المهدي مهيب هو المورفين تزاد ف 1984 ف مدينة سلا، ف 2003 انتقل يعيش فمراكش و عاش فشلا مدن مغربية كدار البيضاء و ميدالت و مكناس و كيستقر حاليا فمراكش مع صديقه الرابور نيسيو.

بالنسبة للمسيرة الفنية د المورفين باسم M-psy بدا ف 1998 كهواية يعني ما كانش كيدخل الطراك ف اليوتوب ولا السكيبلوك، ف 2004 بدا المورفو كيفكر يتعرف علي الپوبليك، بحيث كيعتبر راسو بحال شي قلم د الواقع الكحل لي عايشو المغرب ولي قليل لي عايق بآش واقع تحت الصور لي كتجينا كلها واضحة و مفهوهة

سجل شي طراكات خفاف حتى ف 2006 دار گروپ سميتو Piranha-Labo وقرر ف 2010 مايبقاش مع تيم (كلان) و يبدا الخدمة صولو أي بوحدو باش يايخد الراحة ديالو ف إختيار الخدمة لي تناسبو

أول مشروع د الراپ بدا فيه المورفين ف 2006 سميتو ماكسي مغناطيس، ولي خلاه يزيد يعطي فهاد شي لي كيدير هو الجودة د الكتابة و الإستعارات لي يمكن نعتبروهم أقود ما كاين ف الراپ المغربي، و كمل ف تسجيل لي طراك حتى ن 2009 خرج پروجي سميتو ناقوس وفيه 9طراك،
المورفين زاد فالخدمة بعدما تأكد بأن عندو ما يعطي ن هاد الفن و زاد خرج ماكسي جديدة سميتو المورفين وفيه حتى هو 9طراك

وعود زاد جوج ديال الميكستيپ طوطال و پاپريكا لي فيهم شي طراك فشكال و مقودين ألخوت هادشي لا فهمتو لي مخبع بين السطور
ف ميكستييپ طوطال دار المورفو حلقات و فكل حلقة كتكون قصة واقعية و الهدف منها هي العبرة
المورفين قرر يحكي واحد القصة على صاحبو فجوج الطراكات سميتو طه الكوبرا نصحكوم تسمعوه ألخوت، نفكركوم بواحد سلسلة ديال لي طراك المورفينية لي خلات الپوپليك الجديد فهاد الفن يحترم هاد السيد و لي غتبقى سلسلة خالدة من المخلدات د الراپ المغربي, بالنسبة لي نيت-تايپ المورفين كان ديجا خرج واد سميتو كوستا يا وطن

هاد خونا عندو مكانة خاصة فالحياة الفنية د بزاف د لي راپور منهوم Raid ،Nessyou ،4.8 و زيد و زيد

الحاجة لي قليل لي كيعرفها الپوبليك المغربي هو أنه ف كيكتب طراك و فديك اللحظة كيبدا التسجيل بلا ريپيتسيون و هادشي لي كيخليه مبدل من شلا رواپا

عندو فالديسكوڭرافي ديالو كثر من 170 أغنية، ودابا خدام على ألبوم مصغر سميتو ڭالا ، وقال فتغريدة ليه باللي ف 2018 غادي يخرج ألبوم مصغر سميتو نيكو وف2020 غادي يخرج الألبوم اللي ڭاع لي فان ديالو كيتسناوه اللي سميتو إكسيلسيور

Top Song